ಲಿನಕ್ಸಾಯಣ – ೧೬ – ಉಬುಂಟು ನನ್ನ ಭಾಷೆಯಲ್ಲಿ?

ಸಾಮಾನ್ಯ ಜ್ಞಾನ | 0 comments

Written By Omshivaprakash H L

September 19, 2010

ಎಲ್ಲಾ ಸರಿ, ಉಬುಂಟು ಹಾಕಿ ಕೊಂಡಿದ್ದಾಯಿತು. ಇದುವರೆಗೆ ಬರೀ ಕನ್ನಡದಲ್ಲಿ ಟೈಪ್ ಮಾಡಿದ್ದಾಯಿತು. ನನ್ನ ಗಣಕತೆರೆ‌(Desktop)ನಲ್ಲಿರೋ ಮೆನು, ಇತ್ಯಾದಿ, ಸೂಚನೆ ಸಲಗೆಗಳು, ದಿನಾಂಕ ಇತ್ಯಾದಿ ಕನ್ನಡದಲ್ಲಿ ಬರೋದಿಲ್ಲವೆ?

ಬರತ್ತೆ, ನಿಮ್ಮ ಉಬುಂಟುವಿನ ಮೆನು System -> Administration ನಲ್ಲಿ Language Support ಆಯ್ಕೆ ಮಾಡಿಕೊಳ್ಳಿ.

ಈಗ ಕನ್ನಡ ಭಾಷಾ ಬೆಂಬಲವನ್ನ ನೀವು ಪಡೆದು ಕೊಳ್ಳೋದಕ್ಕೆ “ಕನ್ನಡ” ವನ್ನ ಸೆಲೆಕ್ಟ್ ಮಾಡಿಕೊಳ್ಳಿ.

ನೀವು ಓಕೆ ಎಂದಾಕ್ಷಣ ಕೆಲ ತಂತ್ರಾಂಶಗಳನ್ನ ಇನ್ಸ್ಟಾಲ್ ಮಾಡ್ಲಿಕ್ಕೆ ಉಬುಂಟು ಇನ್ಸ್ಟಾಲರ್ ಶುರುಮಾಡ್ತದೆ. ಹೊಸ ಲಿನಕ್ಸ್ ಇನ್ಸ್ಟಾಲೇಷನ್ ಆಗಿದ್ರೆ ಉಬುಂಟುವಿನ ಸಿ.ಡಿ ಯನ್ನ ಸಿ.ಡಿ ಡ್ರೈವ್ ನಲ್ಲಿಟ್ಟಿರಿ. ಇಲ್ಲ ಅಂದ್ರೆ, ನಿಮ್ಮ ಕಂಪ್ಯೂಟರ್ ಇಂಟರ್ನೆಟ್ಗೆ ಕನೆಕ್ಟ್ ಆಗಿರಬೇಕು.

ಸರಿ, ಇದು ಮುಗಿದ ನಂತರ ನಿಮ್ಮ ಕಂಪ್ಯೂಟರ್ ಅನ್ನ ಒಮ್ಮೆ ರಿಸ್ಟಾರ್ಟ್ ಮಾಡಿ. ಲಾಗಿನ್ ಸ್ಕ್ರೀನ್ ಬಂದಾಗ ಅದರಲ್ಲಿನ ಎಡ ಮೂಲೆಯಲ್ಲಿ “Options” ಕ್ಲಿಕ್ಕಿಸಿ “Select Language” ಆಯ್ಕೆ ಮಾಡಿಕೊಳ್ಳಿ. ಇದು ನಿಮ್ಮ ಡೆಸ್ಕ್ಟಾಪ್ಗೆ ಉಪಯೋಗಿಸ ಬೇಕಿರುವ ಭಾಷೆಯನ್ನ ಆಯ್ಕೆಮಾಡಿಕೊಳ್ಳಲಿಕ್ಕೆ ಸಹಾಯ ಮಾಡುತ್ತದೆ. ಕನ್ನಡವನ್ನ ಇಲ್ಲಿ ಸೂಚಿಸಿದ ನಂತರ ನಿಮ್ಮ ಡೆಸ್ಕ್ಟಾಪ್ ಮಾತ್ರ ಮತ್ತೊಮ್ಮೆ ಪ್ರಾರಂಬವಾಗುತ್ತದೆ.

ಈಗ ನೋಡಿ, ಲಾಗಿನ್ ಸ್ಕ್ರೀನ್ ಕೂಡ ಕನ್ನಡದಲ್ಲಿ ಬರುತ್ತದೆ. ಮುಂದೆ, ಲಾಗಿನ್ ಆದ ನಂತರ ಗಣಕತೆರೆ ಅಂದ್ರೆ ಡೆಸ್ಕ್ಟಾಪ್ ನಲ್ಲಿನ ಮೆನು ಇತರೆ ಕನ್ನಡದಲ್ಲಿ ಮೂಡಿ ಬರ್ಲಿಕ್ಕೆ ಶುರುವಾಗ್ತದೆ. ಉಬುಂಟುವನ್ನ ಕನ್ನಡಕ್ಕೆ ಅನುವಾದ ಆಗಿರುವಷ್ಟು ಮಟ್ಟಿಗೆ ಕೆಲವೊಂದು ಸಲಹೆ ಸೂಚನೆಗಳು ಕೂಡ ಕನ್ನಡದಲ್ಲಿ ಬರ್ತವೆ. ಕೆಲ ತಂತ್ರಾಶಗಳು ಕೂಡ ತಮ್ಮ ಮೆನು ಇತ್ಯಾದಿಗಳನ್ನ ಕನ್ನಡದಲ್ಲಿ ಮೂಡಿಸ್ತಾವೆ. ಕೆಳಗಿನ ಚಿತ್ರ  ನೋಡಿ. ನನ್ನ ಡೆಸ್ಕ್ಟಾಪ್ ಕನ್ನಡದಲ್ಲಿ ಹ್ಯಾಗೆ ಕಾಣಿಸ್ತದೆ ಅಂತ. ನಮ್ಮ ಹಬ್ಬದ ವಾಲ್ಪೇಪರ್ ಕೂಡ ಹಾಕಿದ್ದೇನೆ :) ಹಬ್ಬದ ವಿಶೇಷ.

ನೀವೂ ಟ್ರೈ ಮಾಡ್ತೀರಾ ತಾನೆ?

ಲಿನಕ್ಸಾಯಣದ ಎಲ್ಲ ಲೇಖನಗಳು ಕ್ರಿಯೇಟಿವ್ ಕಾಮನ್ಸ್ ನ ಪರವಾನಿಗಿಯಿಂದ ಸಂರಕ್ಷಿಸಲ್ಪಟ್ಟಿವೆ. ಈ ಲೇಖನಗಳನ್ನು ಇತರರೊಡನೆ ಹಂಚಿಕೊಳ್ಳುವಾಗ, ಲಿನಕ್ಸಾಯಣದ ಹೆಸರು ಮತ್ತು ವೆಬ್ ಸೈಟ್ ವಿಳಾಸ ಹಂಚಿಕೊಳ್ಳುವುದನ್ನು ಮರೆಯದಿರಿ. ವಾಣಿಜ್ಯ ಉದ್ದೇಶಗಳಿಗೆ ಬಳಸುವ ಮುನ್ನ ನಮ್ಮ ಅನುಮತಿ ಪಡೆಯತಕ್ಕದ್ದು.

ಹಂಚಿಕೆಯ ಬಗ್ಗೆ

ಲಿನಕ್ಸಾಯಣದ ಎಲ್ಲ ಲೇಖನಗಳು ಕ್ರಿಯೇಟಿವ್ ಕಾಮನ್ಸ್ ನ ಪರವಾನಿಗಿಯಿಂದ ಸಂರಕ್ಷಿಸಲ್ಪಟ್ಟಿವೆ. ಈ ಲೇಖನಗಳನ್ನು ಇತರರೊಡನೆ ಹಂಚಿಕೊಳ್ಳುವಾಗ, ಲಿನಕ್ಸಾಯಣದ ಹೆಸರು ಮತ್ತು ವೆಬ್ ಸೈಟ್ ವಿಳಾಸ ಹಂಚಿಕೊಳ್ಳುವುದನ್ನು ಮರೆಯದಿರಿ. ವಾಣಿಜ್ಯ ಉದ್ದೇಶಗಳಿಗೆ ಬಳಸುವ ಮುನ್ನ ನಮ್ಮ ಅನುಮತಿ ಪಡೆಯತಕ್ಕದ್ದು.

ಇತಿಹಾಸದ ಪುಟಗಳಿಂದ

Related Articles

Related

ಸ್ಕೈಪ್(Skype)ಕಾಲ್ ರೆಕಾರ್ಡ್ ಮಾಡಿ

ಸ್ಕೈಪ್ ಅನ್ನು ಒಂದಲ್ಲಾ ಒಂದು ಕಾರಣದಿಂದ ನಮ್ಮಲ್ಲನೇಕರು ಗೆಳೆಯರೊಂದಿಗೆ, ವ್ಯವಹಾರಕ್ಕೆ, ಸಂಪರ್ಕದಲ್ಲಿರಲು,  ಕಚೇರಿಯ ಸಂವಾದ, ಸಂದರ್ಶನ ಇತ್ಯಾದಿಗಳಿಗೆ ಬಳಸುತ್ತಲೇ ಇರುತ್ತೇವೆ. ಕೆಲವೊಮ್ಮೆ ಸ್ಕೈಪ್ ಮೂಲಕ ನೆಡೆಯುವ ಆಡಿಯೋ ಮತ್ತು ವಿಡಿಯೋ ಸಂವಾದಗಳು ಉಳಿಸಿಕೊಳ್ಳಲು ಸಾಧ್ಯವಿದ್ದಿದ್ದರೇ ಎಂದು ಅನಿಸಿರಬೇಕಲ್ಲವೇ? ಇದು...

read more

ದೇವಕಣ – ಹಿಗ್ಸ್ ಬೋಸನ್ ಗೂ ಬೇಕಿತ್ತು ಗ್ನು/ಲಿನಕ್ಸ್

CERN ನ ವಿಜ್ಞಾನಿಗಳು ಜಿನೀವಾದಲ್ಲಿ Higgs boson (ದೇವಕಣ) ಇರುವಿಕೆಯನ್ನು ದೃಡಪಡಿಸಿದ್ದನ್ನೂ, ಅದರ ಬಗ್ಗೆ ಹತ್ತು ಹಲವಾರು ಲೇಖನಗಳ ಮೂಲಕ ಓದಿರುತ್ತೀರಿ. ವಿಶ್ವದ ಸೃಷ್ಟಿಯ ಬಗ್ಗೆ ಬೆಳಕು ಚೆಲ್ಲುವಲ್ಲಿ ಈ ಪ್ರಯೋಗ ಬಹುಮುಖ್ಯದ್ದು ಎನ್ನಬಹುದು. "ಬಿಗ್‌ಬ್ಯಾಂಗ್ ಸ್ಪೋಟದ ನಂತರ ವಿಶ್ವದ ಉಗಮಕ್ಕೆ ಮೂಲ ಕಾರಣವಾದ ಅಣುಗಳಿಗೆ ಒಂದು...

read more