ಲಿನಕ್ಸಾಯಣ – ೩೩ – ಲಿನಕ್ಸ್ ಮಾಸ ಪತ್ರಿಕೆಗಳು

ಸಾಮಾನ್ಯ ಜ್ಞಾನ | 0 comments

Written By Omshivaprakash H L

September 19, 2010

ಗ್ನು/ಲಿನಕ್ಸ್ ಬಗ್ಗೆ ನಿಮ್ಮೆಲ್ಲರ ಜೊತೆ ವಿಷಯಗಳನ್ನ ಇದುವರೆಗೂ ಹಂಚಿಕೊಳ್ತಾ ಬರ್ತಿದ್ದೇನೆ. ಅದರ ಜೊತೆ ಗ್ನು/ಲಿನಕ್ಸ್ ಅಂತರಾಳವನ್ನ ಅರಿಯಲು ಸಹಾಯ ಮಾಡಿದ ಕೆಲವು ರಹಸ್ಯಗಳನ್ನೂ ನಿಮ್ಮೊಂದಿಗೆ ಹಂಚಿಕೊಳ್ತಿದ್ದೇನೆ. ಆ ರಹಸ್ಯಗಳಲ್ಲೊಂದು ನಮಗೆ ಲಭ್ಯವಿರುವ ಗ್ನು/ಲಿನಕ್ಸ್ ಮಾಸಪತ್ರಿಕೆಗಳು.

ಮೊದಲು ನಿಮಗೆ ಉಚಿತವಾಗಿ ಸಿಗುವ ಆನ್ಲೈನ್ ಮಾಸ ಪತ್ರಿಕೆ ಬಗ್ಗೆ ಹೇಳ್ತೇನೆ.

ಫುಲ್ ಸರ್ಕಲ್ ಮ್ಯಾಗಜೀನ್ ಸ್ವತಂತ್ರ,ವೈಯುಕ್ತಿಕ ಮತ್ತು ಉಬುಂಟು ಲಿನಕ್ಸ್ ಗೆಂದೇ ಮುಡಿಪಾಗಿರುವ ಪತ್ರಿಕೆ. ಪ್ರತಿ ತಿಂಗಳೂ ನಿಮಗೆ ಇತರೆ ಲಿನಕ್ಸ್ ಬಳಕೆದಾರರು ಬರೆದಿರುವ ಲೇಖನಗಳ ಜೊತೆ, ಉಬುಂಟು ಉಪಯೋಗಿಸಲು, ಅದರಲ್ಲಿನ ಇತರೆ ತಂತ್ರಾಂಶಗಳನ್ನು ಬಳಸುವ ಮಾಹಿತಿಯನ್ನ ಹೊಂದಿರುತ್ತದೆ. ಕೆಳಗೆ ಕೊಟ್ಟಿರುವ ಚಿತ್ರದ ಮೇಲೆ ಕ್ಲಿಕ್ಕಿಸಿ ಈ ಪತ್ರಿಕೆಯ ತಾಣಕ್ಕೆ ನೀವು ಸರಿಯಬಹುದು.

ಕೆಲವರಿಗೆ ಮ್ಯಾಗಜೀನ್ ಗಳು ಕಾಗದದಲ್ಲಿ ಅಚ್ಚಾಗಿದ್ದರೇ ಚೆನ್ನ. ಅವರಿಗಂತ್ಲೇ ಇದೆ ಲಿನಕ್ಸ್ ಫಾರ್ ಯು (Linux for you)  ಪ್ರತಿ ತಿಂಗಳು ಇದಕ್ಕೆ ನೀವು ೧೦೦ ರೂ ತೆರಬೇಕಾಗುತ್ತದೆ.

ಮ್ಯಾಗಜೀನ್ ಜೊತೆ ನಿಮಗೆ ಸ್ವತಂತ್ರ ತಂತ್ರಾಂಶಗಳ ಡಿವಿಡಿ ಮತ್ತು ಸಿ.ಡಿಗಳು ಸಿಗುತ್ತವೆ.

ಈ ತಿಂಗಳಿನ ಹಂಚಿಕೆಯ ಜೊತೆ ಸಿಕ್ಕ ಸಿ.ಡಿಗಳನ್ನ ನೀವು ಕೆಳಗಿನ ಚಿತ್ರದಲ್ಲಿ ನೋಡ ಬಹುದು.

ಲಿನಕ್ಸ್ ಫಾರ್ ಯು ನಿಮಗೆ ಸ್ವತಂತ್ರ ತಂತ್ರಾಂಶದ ಸುತ್ತ ಮುತ್ತ ನೆಡೆಯುತ್ತಿರುವ ಅಭಿವೃದ್ದಿ, ಕಾರ್ಯಕ್ರಮಗಳು, ಬದಲಾವಣೆಗಳು ಇತ್ಯಾದಿಗಳ ಜೊತೆ ಓದುಗರ ಬರಹಳನ್ನೂ ಪ್ರಕಟಿಸುತ್ತದೆ. ಪ್ರತಿ ತಿಂಗಳೂ ಹೊಸ ವಿಷಯಗಳನ್ನ ಅರಿಯಲು ಇದು ನನಗೆ ಎಷ್ಟೋ ಸಹಾಯ ಮಾಡಿದೆ.

ನಿಮಗೂ ಇಂತಹ  ಪತ್ರಿಕೆಗಳ ಬಗ್ಗೆ ತಿಳಿದಿದ್ದರೆ, ಇತರೆ ಸಂಪದಿಗರಿಗೆ ತಿಳಿಸ್ತೀರಲ್ಲಾ?

ವಿ.ಸೂ : ಈ ಪತ್ರಿಕೆಗಳು ಇಂಗ್ಲೀಷಿನಲ್ಲಿವೆ.

ಲಿನಕ್ಸಾಯಣದ ಎಲ್ಲ ಲೇಖನಗಳು ಕ್ರಿಯೇಟಿವ್ ಕಾಮನ್ಸ್ ನ ಪರವಾನಿಗಿಯಿಂದ ಸಂರಕ್ಷಿಸಲ್ಪಟ್ಟಿವೆ. ಈ ಲೇಖನಗಳನ್ನು ಇತರರೊಡನೆ ಹಂಚಿಕೊಳ್ಳುವಾಗ, ಲಿನಕ್ಸಾಯಣದ ಹೆಸರು ಮತ್ತು ವೆಬ್ ಸೈಟ್ ವಿಳಾಸ ಹಂಚಿಕೊಳ್ಳುವುದನ್ನು ಮರೆಯದಿರಿ. ವಾಣಿಜ್ಯ ಉದ್ದೇಶಗಳಿಗೆ ಬಳಸುವ ಮುನ್ನ ನಮ್ಮ ಅನುಮತಿ ಪಡೆಯತಕ್ಕದ್ದು.

ಹಂಚಿಕೆಯ ಬಗ್ಗೆ

ಲಿನಕ್ಸಾಯಣದ ಎಲ್ಲ ಲೇಖನಗಳು ಕ್ರಿಯೇಟಿವ್ ಕಾಮನ್ಸ್ ನ ಪರವಾನಿಗಿಯಿಂದ ಸಂರಕ್ಷಿಸಲ್ಪಟ್ಟಿವೆ. ಈ ಲೇಖನಗಳನ್ನು ಇತರರೊಡನೆ ಹಂಚಿಕೊಳ್ಳುವಾಗ, ಲಿನಕ್ಸಾಯಣದ ಹೆಸರು ಮತ್ತು ವೆಬ್ ಸೈಟ್ ವಿಳಾಸ ಹಂಚಿಕೊಳ್ಳುವುದನ್ನು ಮರೆಯದಿರಿ. ವಾಣಿಜ್ಯ ಉದ್ದೇಶಗಳಿಗೆ ಬಳಸುವ ಮುನ್ನ ನಮ್ಮ ಅನುಮತಿ ಪಡೆಯತಕ್ಕದ್ದು.

ಇತಿಹಾಸದ ಪುಟಗಳಿಂದ

Related Articles

Related

ಸ್ಕೈಪ್(Skype)ಕಾಲ್ ರೆಕಾರ್ಡ್ ಮಾಡಿ

ಸ್ಕೈಪ್ ಅನ್ನು ಒಂದಲ್ಲಾ ಒಂದು ಕಾರಣದಿಂದ ನಮ್ಮಲ್ಲನೇಕರು ಗೆಳೆಯರೊಂದಿಗೆ, ವ್ಯವಹಾರಕ್ಕೆ, ಸಂಪರ್ಕದಲ್ಲಿರಲು,  ಕಚೇರಿಯ ಸಂವಾದ, ಸಂದರ್ಶನ ಇತ್ಯಾದಿಗಳಿಗೆ ಬಳಸುತ್ತಲೇ ಇರುತ್ತೇವೆ. ಕೆಲವೊಮ್ಮೆ ಸ್ಕೈಪ್ ಮೂಲಕ ನೆಡೆಯುವ ಆಡಿಯೋ ಮತ್ತು ವಿಡಿಯೋ ಸಂವಾದಗಳು ಉಳಿಸಿಕೊಳ್ಳಲು ಸಾಧ್ಯವಿದ್ದಿದ್ದರೇ ಎಂದು ಅನಿಸಿರಬೇಕಲ್ಲವೇ? ಇದು...

read more

ದೇವಕಣ – ಹಿಗ್ಸ್ ಬೋಸನ್ ಗೂ ಬೇಕಿತ್ತು ಗ್ನು/ಲಿನಕ್ಸ್

CERN ನ ವಿಜ್ಞಾನಿಗಳು ಜಿನೀವಾದಲ್ಲಿ Higgs boson (ದೇವಕಣ) ಇರುವಿಕೆಯನ್ನು ದೃಡಪಡಿಸಿದ್ದನ್ನೂ, ಅದರ ಬಗ್ಗೆ ಹತ್ತು ಹಲವಾರು ಲೇಖನಗಳ ಮೂಲಕ ಓದಿರುತ್ತೀರಿ. ವಿಶ್ವದ ಸೃಷ್ಟಿಯ ಬಗ್ಗೆ ಬೆಳಕು ಚೆಲ್ಲುವಲ್ಲಿ ಈ ಪ್ರಯೋಗ ಬಹುಮುಖ್ಯದ್ದು ಎನ್ನಬಹುದು. "ಬಿಗ್‌ಬ್ಯಾಂಗ್ ಸ್ಪೋಟದ ನಂತರ ವಿಶ್ವದ ಉಗಮಕ್ಕೆ ಮೂಲ ಕಾರಣವಾದ ಅಣುಗಳಿಗೆ ಒಂದು...

read more