Written By Omshivaprakash H L

September 19, 2010

unetbootin – ಇದರ ಬಗ್ಗೆ _ರಾಫವ_ ಒಂದು ಕಾಮೆಂಟಿನಲ್ಲಿ ಹೇಳಿದ್ದ ನೆನಪಿದೆಯೇ?

ಹೊಸದಾಗಿ ಲಿನಕ್ಸ್ ಬಳಸಬೇಕು ಅಂತಿರೋರು, ಹೊಸ ಹೊಸ ಗ್ನು/ಲಿನಕ್ಸ್ ಆವೃತ್ತಿಗಳನ್ನು ಟೆಸ್ಟ ಮಾಡಿನೋಡ್ಬೇಕು ಅಂತಿರೋ ನನ್ನಂತಹವರು ಪ್ರತಿ ಭಾರಿಯೂ ಲಿನಕ್ಸ್ ಅನ್ನು ನಮ್ಮ ಲ್ಯಾಪ್ಟಾಪ್ ಗಳಲ್ಲಿ ಅಥವಾ ಡೆಸ್ಕಾಪ್ ಗಳಲ್ಲಿ ಪುನ: ಪುನ: ಇನ್ಸ್ಟಾಲ್ ಮಾಡ್ಕೊಳ್ಳಿಕ್ಕೆ ಇಷ್ಟ ಪಡಲ್ಲ. ಹಾಗಿದ್ರೆ ಅದನ್ನ ಬಳಸೋದಾದ್ರೂ ಹ್ಯಾಗೆ?

ವರ್ಚುಅಲ್ ಬಾಕ್ಸ್ – ಸಂಪದದಲ್ಲಿ ಬರುತ್ತಿರೋ ತಂತ್ರಜ್ಞಾನ ಕುರಿತಾದ ಲೇಖನಗಳನ್ನು ನೀವು ಓದ್ತಿದ್ರೆ ಇಷ್ಟೋತ್ತಿಗಾಗಲೇ ಇದರ ಹೆಸರು ನಿಮ್ಮ ಬಾಯಿಂದ ಹೊರಡಿರಬೇಕು.  ಹೊಸಬರಿಗೆ ಅದೂ ಸ್ವಲ್ಪ ಕಿರಿ ಕಿರಿ ಅನ್ನಿಸ್ಬಹುದು. ಹಾಗಿದ್ರೆ ಅಂತವರಿಗೆಲ್ಲ ಗು/ಲಿನಕ್ಸ್ ನ ಔತಣವನ್ನ ಹೇಗೆ ಬಡಿಸೋದು ಅನ್ನೊದು ಮುಂದಿನ ಪ್ರಶ್ನೆ.

ಇದಕ್ಕೆ ಒಂದು ಉತ್ತರ ಹೇಳ್ತೀರಾ?

-> ಲೈವ್ ಸಿ.ಡಿ ಉಪಯೋಗಿಸ್ಬಹುದಲ್ವಾ?

ಸಂಪದದ ಟೆಕ್ ತಂಡ ಹೊರತಂದ ಡೆಬಿಯನ್ ಚಿಗುರು ಕೂಡಾ ಲೈವ್ ಸಿ.ಡಿ ಯೇ. ನಿಮ್ಮ ಕಂಪ್ಯೂಟರ್ ಅನ್ನು ಸಿ.ಡಿ ಯಲ್ಲಿ ಬೂಟ್ ಮಾಡಿದರಾಯಿತು.

ಇದು ಸ್ವಲ್ಪ ನಿಧಾನವಾಗಿ ಕೆಲ್ಸ ಮಾಡುತ್ತೆ ಅಂತ ಈಗ ನೀವೆಲ್ಲ ನನ್ನ ಮುಖ ನೋಡ್ತಿರ ಬೇಕಲ್ವಾ? ;) ಫ್ರೋಫೈಲ್ ಫೋಟೋದಲ್ಲಿದೀನಲ್ಲ ಅಲ್ಲೇ ಗುರಾಯಿಸ್ತಿರೋ ಹಾಗಿದೆ… ತಮಾಷೆಗೆ ಹೇಳಿದೆ. ಅದಕ್ಕೂ ಉತ್ತರ ಇದೆ ಸಮಾಧಾನವಾಗಿ ಮುಂದೆ ಓದಿ.

ಉಬುಂಟು, ಸಂಪದದ ಡೆಬಿಯನ್ ಚಿರುಗು ಇನ್ನೂ ಹತ್ತು ಹಲವಾರು ಗ್ನು/ಲಿನಕ್ಸ್ ಆವೃತ್ತಿಗಳು ಲೈವ್ ಸಿ.ಡಿ ರೂಪದಲ್ಲಿ ಇಂದು ನಿಮಗೆ ಸಿಗುತ್ತವೆ. ಅವನ್ನು ನಮ್ಮ ಯು.ಎಸ್.ಬಿ ಡ್ರೈವ್ ಗೆ ಹಾಕಿ ಕೊಂಡರೆ ಕಂಪ್ಯೂಟರ್ನಲ್ಲೇ ಕೆಲಸ ಮಾಡಿದಂತಾಗುತ್ತದೆಯಲ್ಲವೇ?  ಆದ್ರೆ ಅದನ್ನ ಹೇಗೆ ಮಾಡೋದು? ಬೇರೆಯವರಿಗೆ ಅವರ usb ಡ್ರೈವ್ ಗೆ ಲಿನಕ್ಸ್ ಹ್ಯಾಗೆ ಹಾಕಿಕೊಡೋದು ಅನ್ನೋದಕ್ಕೆ ಸರಿಯಾದ ಉತ್ತರ Unetbootin .

ಇದು ವಿಂಡೋಸ್/ಲಿನಕ್ಸ್ ಎರಡು ಆಪರೇಟಿಂಗ್ ಸಿಸ್ಟಂಗಳಿಗೂ ಲಭ್ಯವಿದ್ದು, ಉಪಯೋಗಿಸಲಿಕ್ಕೆ ತುಂಬಾ ಸರಳವಾಗಿದೆ. ಉಪಯೋಗಿಸಲು ಮಾಡಬೇಕಾದದ್ದಿಷ್ಟೇ –

೧) ಮೊದಲು ಇದನ್ನು ಡಾನ್ಲೋಡ್ ಮಾಡಿ ಇನ್ಸ್ಟಾಲ್ ಮಾಡಿಕೊಳ್ಳಿ.

೨)  ನಿಮ್ಮ ಬಳಿ ಒಳ್ಳೆಯ ಇಂಟರ್ನೆಟ್ ಕನೆಕ್ಷನ್ ಇದ್ರೆ ನಿಮಗೆ ಬೇಕಾದ  ಗ್ನು/ಲಿನಕ್ಸ್ ಆಪರೇಟಿಂಗ್ ಸಿಸ್ಟಂ ಅನ್ನು ನೇರವಾಗಿ ಡೌನ್ಲೋಡ್ ಮಾಡಿಕೊಂಡು ಅದನ್ನು usb ಡ್ರೈವ್ ಗೆ ಇನ್ಸ್ಟಾಲ್ ಮಾಡಿಕೊಳ್ಳಬಹುದು.

ಅಥವಾ

ನಿಮ್ಮ ಬಳಿಯಿರುವ ಉಬುಂಟು ಅಥವಾ ಚಿಗುರು ಸಿ.ಡಿಯನ್ನು ನಿಮ್ಮ ಹಾರ್ಡಿಸ್ಕ್ ಗೆ ಕಾಪಿ ಮಾಡಿಕೊಳ್ಳಬೇಕು ISO ಆಗಿ. ಇದನ್ನು ನಿಮ್ಮ ಸಿ.ಡಿ ಬರೆಯುವ ತಂತ್ರಾಂಶ ಮಾಡಬಲ್ಲದು. ಸಿ.ಡಿ ಕಾಪಿ ಮಾಡುವ ಆಪ್ಷನ್ ಸೆಲೆಕ್ಟ್ ಮಾಡಿಕೊಳ್ಳಿ. ಇದಾದ ನಂತರ  ಐ.ಎಸ್.ಓ ಇಮೇಜ್ ಎಲ್ಲಿದೆ ಆನ್ನೋದನ್ನು unetbootin ಗೆ ತಿಳಿಸಿ.

೩) ಯಾವ ಡ್ರೈವ್ ಗೆ ಇದನ್ನು ಬರೆಯಬೇಕು ಎಂದು ಹೇಳಿ.

ಕೆಳಗಿನ ಚಿತ್ರದಲ್ಲಿ Type : ನತ್ತ ಕಣ್ಣಾಯಿಸಿ. ನಾನು USB ಡ್ರೈವ್ ಸೆಲೆಕ್ಟ್ ಮಾಡಿಕೊಂಡಿದ್ದು, ನನ್ನ ಲಿನಕ್ಸ್ ನಲ್ಲಿ ಅದು /dev/sdb1 (ಇದರ ಬಗ್ಗೆ ಚಿಂತೆಬೇಡ ಅ ಲಿಸ್ಟ ನಲ್ಲಿ ಇದು ನಿಮಗೆ ಸಿಗುತ್ತದೆ. ಎರಡು ಯು.ಎಸ್.ಬಿ ಡ್ರೈವ್ ಇದ್ದರೆ ಒಂದನ್ನು ತೆಗೆಯಿರಿ ಒಂದನ್ನು ಮಾತ್ರ ಉಪಯೋಗಿಸಿ. confusion ಬೇಡ ಅಂತ) ಆಗಿದೆ.

unetbootin

ಇದೆಲ್ಲಾ ಮಾಡಿದ ನಂತರ ಓಕೆ ಬಟನ್ ಕ್ಲಿಕ್ ಮಾಡಿ. ಐ.ಎಸ್.ಓ ಉಪಯೋಗಿಸಿದ್ದರೆ ೨-೩ ನಿಮಿಷಗಳಲ್ಲೇ ನಿಮ್ಮ ಯು.ಎಸ್.ಬಿ ಡ್ರೈವ್ ರೆಡಿಯಾಗುತ್ತದೆ.

ಡಿಸ್ಕ್ ಅನ್ನು un-mount ಮಾಡಿ ನಿಮ್ಮ ಸಿಸ್ಟಂ ಅನ್ನು USB ಡೈವ್ ನೊಂದಿಗೆ ಬೂಟ್ ಮಾಡಬೇಕು.   ಸಿ.ಡಿ ಇಂದ ಸಿಸ್ಟಂ ಬೂಟ್ ಮಾಡ್ತೀರಲ್ಲಾ ಹಾಗೆ.

ಗ್ನು/ಲಿನಕ್ಸ್ ಯು.ಎಸ್.ಬಿ ಇಂದ ಬೂಟ್ ಆಗೊದನ್ನ ಹೀಗೆ ಕೆಲವೇ ಕ್ಷಣಗಳಲ್ಲಿ ನೀವು ಕಾಣಬಹುದು.

ನಿಮಗೆ ಇದರಲ್ಲಿ ಪ್ರಶ್ನೆಗಳಿದ್ದಲ್ಲಿ ಕೇಳಿ ಉತ್ತರ ಪಡೆದುಕೊಳ್ಳಿ.

ಲಿನಕ್ಸಾಯಣದ ಎಲ್ಲ ಲೇಖನಗಳು ಕ್ರಿಯೇಟಿವ್ ಕಾಮನ್ಸ್ ನ ಪರವಾನಿಗಿಯಿಂದ ಸಂರಕ್ಷಿಸಲ್ಪಟ್ಟಿವೆ. ಈ ಲೇಖನಗಳನ್ನು ಇತರರೊಡನೆ ಹಂಚಿಕೊಳ್ಳುವಾಗ, ಲಿನಕ್ಸಾಯಣದ ಹೆಸರು ಮತ್ತು ವೆಬ್ ಸೈಟ್ ವಿಳಾಸ ಹಂಚಿಕೊಳ್ಳುವುದನ್ನು ಮರೆಯದಿರಿ. ವಾಣಿಜ್ಯ ಉದ್ದೇಶಗಳಿಗೆ ಬಳಸುವ ಮುನ್ನ ನಮ್ಮ ಅನುಮತಿ ಪಡೆಯತಕ್ಕದ್ದು.

ಹಂಚಿಕೆಯ ಬಗ್ಗೆ

ಲಿನಕ್ಸಾಯಣದ ಎಲ್ಲ ಲೇಖನಗಳು ಕ್ರಿಯೇಟಿವ್ ಕಾಮನ್ಸ್ ನ ಪರವಾನಿಗಿಯಿಂದ ಸಂರಕ್ಷಿಸಲ್ಪಟ್ಟಿವೆ. ಈ ಲೇಖನಗಳನ್ನು ಇತರರೊಡನೆ ಹಂಚಿಕೊಳ್ಳುವಾಗ, ಲಿನಕ್ಸಾಯಣದ ಹೆಸರು ಮತ್ತು ವೆಬ್ ಸೈಟ್ ವಿಳಾಸ ಹಂಚಿಕೊಳ್ಳುವುದನ್ನು ಮರೆಯದಿರಿ. ವಾಣಿಜ್ಯ ಉದ್ದೇಶಗಳಿಗೆ ಬಳಸುವ ಮುನ್ನ ನಮ್ಮ ಅನುಮತಿ ಪಡೆಯತಕ್ಕದ್ದು.

ಇತಿಹಾಸದ ಪುಟಗಳಿಂದ

Related Articles

Related

ಸ್ಟೇಟ್ ಆಫ್ ಮ್ಯಾಪ್ ಏಷ್ಯಾ ೨೦೧೮ – ಬೆಂಗಳೂರು

‍ಸ್ಟೇಟ್ ಆಫ್ ಮ್ಯಾಪ್ ಏಷ್ಯಾ ೨೦೧೮ - ಬೆಂಗಳೂರು, ಐ.‌ಐ.ಎಂ.ಬಿ ಕ್ಯಾಂಪಸ್‌ನಲ್ಲಿ ನವೆಂಬರ್ ೧೭-೧೮ರಂದು ನೆಡೆಯುತ್ತಿದೆ. ಇದು ಏಷ್ಯಾದ ಓಪನ್ ಸ್ಟ್ರೀಟ್ ಮ್ಯಾಪ್ ಸಮುದಾಯಗಳ ವಾರ್ಷಿಕ ಸಮ್ಮೇಳನವಾಗಿದ್ದು, ೨೦೧೫ರಲ್ಲಿ ಪ್ರಾರಂಭವಾಗಿತ್ತು. ‍ ಮೊದಲ ಸ್ಟೇಟ್ ಆಫ್ ಮ್ಯಾಪ್ ಏಷ್ಯಾ (SOTMA) ಅನ್ನು ಜಕಾರ್ತ,...

read more

IPv6 ನಿಷ್ಕ್ರಿಯಗೊಳಿಸುವುದು ಹೇಗೆ?

ಉಬುಂಟು ೧೨.೦೪, ಲಿನಕ್ಸ್ ಮಿಂಟ್ ಇತ್ಯಾದಿಗಳಲ್ಲಿ IPv6 ನಿಂದಾಗಿ ಇಂಟರ್ನೆಟ್ ಸಂಪರ್ಕ ಬಹಳ ನಿಧಾನವಾಗಿ ಕೆಲಸ ಮಾಡುವುದು. ಇದು ಸಾಮಾನ್ಯವಾಗಿ ಕೇಳಿಬರುವ ತೊಂದರೆಯಾಗಿದೆ. IPv6ನ ಬಳಕೆ ಇನ್ನೂ ದಿನಬಳಕೆಯಲ್ಲಿ ಇಲ್ಲದಿರುವುದರಿಂದ ಇದನ್ನು ನಿಷ್ಕ್ರಿಯಗೊಳಿಸುವುದರಿಂದ ಈ ತೊಂದರೆ ನಿವಾರಿಸಬಹುದು. ನಿಷ್ಕ್ರಿಯಗೊಳಿಸಲು ಈ ಕೆಳಗೆ...

read more

ಉಚಿತ ಲಿನಕ್ಸ್ ತರಬೇತಿ – ಎಲ್ಲರಿಗಾಗಿ

ಲಿನಕ್ಸ್ ಫೌಂಡೇಷನ್ ಹಾರ್ವರ್ಡ್ ಮತ್ತು ಎಂ.ಐ.ಟಿ ಜೊತೆಗೂಡಿ ನಿರ್ವಹಿಸುತ್ತಿರುವ edX ಆನ್ಲೈನ್ ಕಲಿಕಾ ಜಾಲತಾಣದ ಮೂಲಕ ೨೪೦೦$ ರಷ್ಟು ವೆಚ್ಚದ 'Introduction to Linux' ಎಂಬ ಲಿನಕ್ಸ್ ಕೋರ್ಸ್ ಅನ್ನು ಈ ಬೇಸಿಗೆಯಲ್ಲಿ ಎಲ್ಲರಿಗಾಗಿ ಉಚಿತವಾಗಿ ನೀಡುತ್ತಿದೆ. ಆಗಸ್ಟ್ ೧ ಪ್ರಾರಂಭವಾಗಲಿರುವ ಈ ಕೋರ್ಸ್‌ಗೆ ಈಗಾಗಲೇ ೨೫೦೦ಕ್ಕೂ...

read more