ಸಾಮಾನ್ಯ ಜ್ಞಾನ

Written By Omshivaprakash H L

July 8, 2020

ಸ್ಕೈಪ್(Skype)ಕಾಲ್ ರೆಕಾರ್ಡ್ ಮಾಡಿ

ಸ್ಕೈಪ್ ಅನ್ನು ಒಂದಲ್ಲಾ ಒಂದು ಕಾರಣದಿಂದ ನಮ್ಮಲ್ಲನೇಕರು ಗೆಳೆಯರೊಂದಿಗೆ, ವ್ಯವಹಾರಕ್ಕೆ, ಸಂಪರ್ಕದಲ್ಲಿರಲು,  ಕಚೇರಿಯ ಸಂವಾದ, ಸಂದರ್ಶನ ಇತ್ಯಾದಿಗಳಿಗೆ ಬಳಸುತ್ತಲೇ ಇರುತ್ತೇವೆ. ಕೆಲವೊಮ್ಮೆ ಸ್ಕೈಪ್ ಮೂಲಕ ನೆಡೆಯುವ ಆಡಿಯೋ ಮತ್ತು ವಿಡಿಯೋ ಸಂವಾದಗಳು ಉಳಿಸಿಕೊಳ್ಳಲು ಸಾಧ್ಯವಿದ್ದಿದ್ದರೇ ಎಂದು ಅನಿಸಿರಬೇಕಲ್ಲವೇ?

ಇದು ಸಾಧ್ಯವಿದೆ. Skype Call Recorder ಯಾವುದೇ ಲಿನಕ್ಸ್‌ ಬಳಸುವವರು “Skype Call Recorder” ಎನ್ನುವ ಸ್ವತಂತ್ರ  ತಂತ್ರಾಂಶವನ್ನು https://atdot.ch/scr/download/ ಮೂಲಕ ಡೌನ್ಲೋಡ್ ಮಾಡಿಕೊಳ್ಳುವುದರ ಮೂಲಕ ಇದನ್ನು ಸಾಧ್ಯವಾಗಿಸಬಹುದು.

ಇದರ ಮುಖ್ಯ ವೈಶಿಷ್ಟ್ಯಗಳು ಇಂತಿವೆ:

  • ಕರೆಗಳನ್ನು  MP3, Ogg Vorbis or WAV ಫೈಲುಗಳನ್ನಾಗಿ ಸೇವ್ ಮಾಡಿಕೊಳ್ಳಬಹುದು.
  • ಆಟೋಮ್ಯಾಟಿಕ್ ಅಥವಾ ಖುದ್ದಾಗಿ ರೆಕಾರ್ಡಿಂಗ್ ಮಾಡುವ ಸೌಲಭ್ಯ
  • ಪ್ರತಿಯೊಬ್ಬ ಕಾಲರ್‌ಗೆ ಸಂಬಂಧಿಸಿದಂತೆ ಆಟೋ‌ಮ್ಯಾಟಿಕ್ ರೆಕಾರ್ಡಿಂಗ್ ಅಳವಡಿಸಬಹುದು
  • ಸ್ಟೀರಿಯೋ ರೆಕಾರ್ಡಿಂಗ್ ಸೌಲಭ್ಯ
  • ಸಂಪೂರ್ಣ ಉಚಿತ, ಯಾವುದೇ ನಿರ್ಬಂಧಗಳಿಲ್ಲದ , ಸ್ವತಂತ್ರ ತಂತ್ರಾಂಶ, ಗ್ನು/ಜಿ.ಪಿ.ಎಲ್ ಪರವಾನಗಿಯಡಿ ಇದನ್ನು ಬಿಡುಗಡೆಕೊಳಿಸಲಾಗಿದೆ.
  • ನಿಮ್ಮ ಸಿಸ್ಟಂ‌ ಟ್ರೇ ನಲ್ಲಿ ಕೆಲಸ ಮಾಡಬಲ್ಲದು.

ನೇರವಾಗಿ ಡೌನ್‌ಲೋಡ್ ಮಾಡಿಕೊಳ್ಳಲು ನಿಮಗೆ ಸಾಧ್ಯವಿಲ್ಲದಿದ್ದಲ್ಲಿ, ಅಥವಾ ಕಷ್ಟ ಎನಿಸಿದಲ್ಲಿ: ಉಬುಂಟು ಪಿಪಿಯೆ ಬಳಸಿ, ಈ ಕೆಳಕಂಡಂತೆ ತಂತ್ರಾಂಶವನ್ನು ಸ್ಥಾಪಿಸಿಕೊಳ್ಳಬಹುದು.

https://launchpad.net/~dajhorn/+archive/skype-call-recorder

sudo add-apt-repository ppa:dajhorn/skype-call-recorder

sudo aptitude install skype-call-recorder

 

ದೇವಕಣ – ಹಿಗ್ಸ್ ಬೋಸನ್ ಗೂ ಬೇಕಿತ್ತು ಗ್ನು/ಲಿನಕ್ಸ್

CERN ನ ವಿಜ್ಞಾನಿಗಳು ಜಿನೀವಾದಲ್ಲಿ Higgs boson (ದೇವಕಣ) ಇರುವಿಕೆಯನ್ನು ದೃಡಪಡಿಸಿದ್ದನ್ನೂ, ಅದರ ಬಗ್ಗೆ ಹತ್ತು ಹಲವಾರು ಲೇಖನಗಳ ಮೂಲಕ ಓದಿರುತ್ತೀರಿ. ವಿಶ್ವದ ಸೃಷ್ಟಿಯ ಬಗ್ಗೆ ಬೆಳಕು ಚೆಲ್ಲುವಲ್ಲಿ ಈ ಪ್ರಯೋಗ ಬಹುಮುಖ್ಯದ್ದು ಎನ್ನಬಹುದು.
“ಬಿಗ್‌ಬ್ಯಾಂಗ್ ಸ್ಪೋಟದ ನಂತರ ವಿಶ್ವದ ಉಗಮಕ್ಕೆ ಮೂಲ ಕಾರಣವಾದ ಅಣುಗಳಿಗೆ ಒಂದು ನಿರ್ದಿಷ್ಟ ರೂಪ, ಆಕಾರ ಮತ್ತು ದ್ರವ್ಯರಾಶಿಯನ್ನು ನೀಡಿದ್ದೇ ಈ ದೇವಕಣಗಳು” ಎನ್ನುವ ಭೌತವಿಜ್ಞಾನಿಗಳ  ತರ್ಕವನ್ನು ಪರೀಕ್ಷಿಸಲು ನೆಡೆದ ಶತಕೋಟಿ ವೆಚ್ಚದ ಪ್ರಯೋಗ, ಶತಮಾನದ ಬೃಹತ್ ಯೋಜನೆ ಇದಾಗಿತ್ತು.

ಈ ಪ್ರಯೋಗಕ್ಕೆ ಸತ್ಯೇಂದ್ರನಾಥ ಬೋಸ್ ಅವರ ‘ಸಾಪೇಕ್ಷ ಸಿದ್ದಾಂತ’ ಜೊತೆಗೆ ಇತರೆ ಭಾರತೀಯರ ಕೊಡುಗೆ ಬಗ್ಗೆ ಕೂಡ ನಿಮಗೆ ಈಗಾಗಲೇ ತಿಳಿದಿದೆ ಎಂದು ಭಾವಿಸುತ್ತ, ಲಿನಕ್ಸಾಯಣದಲ್ಲಿ ಇದರ ಬಗ್ಗೆ ಬರೆಯುತ್ತಿರುವ ವಿಷಯವನ್ನು ಪ್ರಸ್ತಾಪಿಸುತ್ತೇನೆ.  ಈ ಚಿತ್ರವನ್ನು ನೋಡಿ :

ಹೌದು, ಇದು CERN  ಬಳಸುತ್ತಿರುವ ಗ್ನು/ಲಿನಕ್ಸ್ ಆವೃತ್ತಿಯ ಗ್ರಬ್ ಬೂಟ್ ಮ್ಯಾನೇಜರ್‌ನ ಚಿತ್ರ.  Reddit ನಲ್ಲಿ ಈ ಪ್ರಯೋಗದಲ್ಲಿ ಭಾಗವಹಿಸಿದ ಭೌತವಿಜ್ಞಾನಿಯವರು ಲಿನಕ್ಸ್ ಬಳಕೆಯ ಬಗ್ಗೆ ಬರೆದಿರುವುದನ್ನು ನೀವೇ ಓದಿ ನೋಡಿ.
ಅವರ ಹೇಳಿಕೆಯ ಒಂದು ಭಾಗ ಹೀಗಿದೆ:

I don’t see any CERN related things here, so I want to mention how Linux (specifically, Scientific Linux and Ubuntu) had a vital role in the discovery of the new boson at CERN. We use it every day in our analyses, together with hosts of open software, such as ROOT, and it plays a major role in the running of our networks of computers (in the grid etc.) used for the intensive work in our calculations.

Yesterday’s extremely important discovery has given us new information about how reality works at a very fundamental level and this is one physicist throwing Linux some love.

‘ಸೈಂಟಿಫಿಕ್ ಲಿನಕ್ಸ್’ ಅನ್ನು ದಿನನಿತ್ಯದ ವೈಜ್ಞಾನಿಕ ವಿಶ್ಲೇಷಣೆಗೆ ಸರ್ನ್ ಬಳಸಿಕೊಂಡಿದೆ. ಇದನ್ನು ಧೃಡಪಡಿಸುವುದಕ್ಕೆಂದೇ ಸರ್ನ್‌ ಲಿನಕ್ಸ್‌ಗೆಂದೇ ತೆರೆದಿರುವ ಬಳಕೆದಾರರ ಅಂತರ್ಜಾಲ ತಾಣ https://linux.web.cern.ch/linux/ ಇಲ್ಲಿ ಲಭ್ಯವಿದೆ.

ಗ್ನು/ಲಿನಕ್ಸ್‌ನ ಕಾರ್ಯಕ್ಷಮತೆ, ಸದೃಡತೆ, ಸುರಕ್ಷತೆ ಇತ್ಯಾದಿಗಳಿಂದ ಇಂತಹ ದೊಡ್ಡದೊಂದು ಕಾರ್ಯಕ್ರಮದಲ್ಲಿ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಂಡಿರುವುದರಲ್ಲಿ ಆಶ್ಚರ್ಯವಿಲ್ಲ. ಇದೇ ರೀತಿ ಸರ್ನ್ ಬಳಸುತ್ತಿರುವ DRUPAL CMS, ಮತ್ತು ಇತರೆ ಫ್ರೀ & ಓಪನ್ ಸೋರ್ಸ್ (ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶ) ಗಳ ಪಟ್ಟಿಯನ್ನು ಇಲ್ಲಿ ನೋಡಿ – https://root.cern.ch/drupal .

ಉಬುಂಟುವನ್ನು ಕೂಡ ಇಲ್ಲಿ ಬಳಸಲಾಗಿದೆ. https://sourceforge.net/projects/cernrootdebs & https://github.com/ubuntu-cern ಕೊಂಡಿಗಳನ್ನು ಒಮ್ಮೆ ನೋಡಿ.

ಅಂತೂ ಗ್ನು/ಲಿನಕ್ಸ್‌ಗೆ ಇದರಿಂದ ತನ್ನ ಮುಡಿಗೆ ಮತ್ತೊಂದು ಗರಿಯನ್ನು ಏರಿಸಿಕೊಂಡಿದೆ.

ಚಿತ್ರಕೃಪೆ: ಸರ್ನ್

ಗೂಗಲ್ ಕ್ರೋಮ್ – ಒಂದು ಪರಿಚಯ

ಗೂಗಲ್ ಕ್ರೋಮ್ ಇಂದಿನ ಅಂತರ್ಜಾಲಕ್ಕೆಂದೇ ಹೇಳಿ ಮಾಡಿಸಿರುವ ವೆಬ್ ಬ್ರೌಸರ್ ತಂತ್ರಾಂಶ – ಇಂಟರ್ನೆಟ್ – ವೆಬ್ – ಅಂತರ್ಜಾಲ ಎಂದೆಲ್ಲಾ ಕರೆಸಿಕೊಳ್ಳುವ ಕಂಪ್ಯೂಟರ್ ಜಾಲ ಇಂದು ಅನೇಕಾನೇಕ ಸಾಧ್ಯತೆಗಳ ತಾಣವೆಂದೇ ಹೇಳಬಹುದುಇಂಟರ್ನೆಟ್ ಬಳಕೆದಾರ ಕೇವಲ ತಾನು ನೋಡಿದ್ದನ್ನಷೇ ಮತ್ತೆ ತೋರಿಸುವ ವಿಶ್ವದ ಕಿಂಡಿಯಾಗಿ ಉಳಿದಿಲ್ಲಬದಲಾಗಿ ವಿಶ್ವವನ್ನು ನೋಡುತ್ತಾತನಗೆ ಮಾಡಬೇಕೆನಿಸಿದ ಕೆಲಸಗಳನ್ನೆಲ್ಲಾ ಮಾಡಲು ಸಾಧ್ಯವಾಗಿಸಬಲ್ಲ ಸಾಧನವೂ ಆಗಿದೆ.ಕ್ರೋಮ್ ಅತಿವೇಗದ ಮತ್ತು ನೀಳವಾದ ಬ್ರೌಸರ್ ಆಗಿದ್ದುಬಳಕೆದಾರನಿಗೆ ಆಧುನಿಕ ಇಂಟರ್ನೆಟ್‌ನ ಸಂಪೂರ್ಣವಾಗಿ ಆಸ್ವಾದಿಸಲು ಅನುವು ಮಾಡಿಕೊಡುತ್ತದೆ.ಇಂದಿಗೆ ೧೬೦ ಮಿಲಿಯನ್ ಬಳಕೆದಾರರು ವಿಶ್ವದಾದ್ಯಂತ ಗೂಗಲ್ ಕ್ರೋಮ್ ಬಳಸುತ್ತಾರೆ.

ಇಂಟರ್ನೆಟ್ ಬ್ರೌಸ್ ಮಾಡುವಾಗ ಗೂಗಲ್ ಕ್ರೋಮ್‌ನ ಸಂಪೂರ್ಣ ಉಪಯೋಗ ಪಡೆಯಲು ನೀವು ಈ ಕೆಳಗಿನ ಮಾಹಿತಿಯನ್ನು ಬಳಸಿಕೊಳ್ಳಬಹುದು.

  • ಯಾವುದೇ ಪದವನ್ನು ಅಥವಾ ಮಾಹಿತಿಯನ್ನು ಇಂಟರ್ನೆಟ್ ನಲ್ಲಿ ಸರ್ಚ್ ಮಾಡಲು ಗೂಗಲ್ ಕ್ರೋಮ್ ‌ನ ‘omnibox’ ಬಳಸಬಹುದುಅಂದರೆ ಇಂಟರ್ನೆಟ್ ಜಾಲತಾಣಗಳ ವಿಳಾಸ ಟೈಪಿಸಲು ಬಳಸುವ ಆಡ್ರೆಸ್ ಬಾರ್ ಅನ್ನೇ ಗೂಗಲ್ ಸರ್ಚ್ ಮಾಡಲು ಬಳಸಬಹುದುಉದಾಹರಣೆಗೆ ಕೆಳಗಿನ ಚಿತ್ರದಲ್ಲಿ [Hardware Zone] ಸರ್ಚ್ ಮಾಡುತ್ತಿರುವುದನ್ನು ನೋಡಿ.

ಕ್ರೋಮ್ ನೀವು ಟೈಪಿಸುತ್ತಿರುವ ಪದವನ್ನು ತಾನೇ ಕಂಡುಹಿಡಿಯಲಿಕ್ಕೆ ಪ್ರಯತ್ನಿಸುತ್ತಿರುವುದನ್ನು ನೀವು ಕಾಣಬಹುದುಪೂರ್ಣವಾಗಿ ಟೈಪಿಸುವುದಕ್ಕಿಂತ ಮುಂಚೆಯೇ ನಿಮಗೆ ನೀವು ಹುಡುಕುತ್ತಿರಬಹುದಾದ ವಿಷಯವನ್ನು ಗೂಗಲ್ ನಿಮ್ಮ ಪರದೆಯ ಮುಂದೆ ಸೂಚಿಸಬಹುದುಇಳಿಬಿದ್ದಿರುವ ಮೆನುವಿನಲ್ಲಿ ನಿಮಗೆ ಬೇಕಾದ ಫಲಿತಾಂಶವನ್ನು ಕ್ಲಿಕ್ ಮಾಡಿ ನಿಮಗೆ ಬೇಕಿರುವ ಉತ್ತರ ಪಡೆದುಕೊಳ್ಳಬಹುದು.

ವಿಳಾಸ ಹುಡುಕುವುದು ಕೂಡ ಒಂದು ಕ್ಲಿಕ್ ನಷ್ಟೇ ದೂರಮೇಲ್ ಸಂದೇಶವೆಬ್‌ಸೈಟ್ ಇತ್ಯಾದಿಗಳಲ್ಲಿ ನಿಮಗೆ ಕಾಣಿಸುವ ಆಡ್ರೆಸ್‌ಗಳನ್ನು ಸೆಲೆಕ್ಟ್ ಮಾಡಿಕೊಂಡು ಅದರ ಮೇಲೆ ರೈಟ್ ಕ್ಲಿಕ್ ಮಾಡಿ ನಂತರ “Search Google.com for ___” ಎನ್ನುವ ಆಯ್ಕೆ ಆಯ್ದುಕೊಂಡರಾಯ್ತುನಿಮಗೆ ಬೇಕಿರುವ ವಿಳಾಸದ ಹೆಚ್ಚಿನ ವಿವರ ಮ್ಯಾಪ್ ಜೊತೆಗೆ ನಿಮ್ಮ ಪರದೆಯ ಮೇಲಿರುತ್ತದೆ.

Zorin-OS – ವಿಂಡೋಸ್ ಬಳಕೆದಾರರಿಗೆ ಲಿನಕ್ಸ್‌ನಲ್ಲೊಂದು ಪ್ರತಿರೂಪ

ಕಂಪ್ಯೂಟರ್ ಆಪರೇಟಿಂಗ್ ಸಿಸ್ಟಂ ಕೊಳ್ಳಲೂ ಹಣಕೊಡಬೇಕೆ ಎನ್ನುವವರಿಗೆ ಮತ್ತು ವಿಂಡೋಸ್ ಆಪರೇಟಿಂಗ್ ಸಿಸ್ಟಂ ಬಳಸುವಾಗ ಆಗಾಗ ತಲೆ ಕೆಡಿಸುವ ವೈರಸ್ , ಬ್ಲೂ ಸ್ಕ್ರೀನ್ ಇತ್ಯಾದಿಗಳಿಂದ ದೂರ ಉಳಿಯಲು ಆಸಕ್ತರಿರುವವರಿಗೆ ಗ್ನು/ಲಿನಕ್ಸ್ ತಂತ್ರಾಂಶಗಳು ಬಹಳ ಅಚ್ಚುಮೆಚ್ಚಾಗುತ್ತವೆ. ಲಿನಕ್ಸ್ ಎಂಬ ಪದ ಕೇಳಿದೊಡನೆಯೇ ಅದು ಸಾಮಾನ್ಯರಿಗಲ್ಲ ಎನ್ನುವವರಿಗೆ ಅಚ್ಚರಿಗೊಳಿಸುವಷ್ಟು ಈ ತಂತ್ರಾಂಶಗಳು ಇಂದು ಅಭಿವೃದ್ದಿಗೊಂಡಿವೆ. ಉದಾಹರಣೆಗೆ – ಇತ್ತೀಚೆಗೆ ಅತ್ಯಂತ ಜನಪ್ರಿಯವಾಗುತ್ತಿರುವ ಮೊಬೈಲ್ ತಂತ್ರಾಂಶ ಆಂಡ್ರಾಯ್ಡ್ ಬಗ್ಗೆ ಕೇಳಿರಬೇಕಲ್ಲವೇ? ಅದೂ ಕೂಡ ಲಿನಕ್ಸ್ ಆಧಾರಿತ ಎಂದರೆ ನಂಬುತ್ತೀರಾ?

ಈಗ ಸಾಮಾನ್ಯನಿಗೆ ಉಪಯುಕ್ತವಾಗಿರುವ ಲಿನಕ್ಸ್‌ಗಳ ಬಗ್ಗೆ ತಿಳಿಯೋಣ. ಉಬುಂಟು ಎಂಬ ಗ್ನು/ಲಿನಕ್ಸ್ ಇಂದು ವಿಶ್ವದಾದ್ಯಂತ ಅತಿ ಹೆಚ್ಚು ಬಳಕೆಯಲ್ಲಿದೆ. ಮಾರ್ಕ್ ಶಟಲ್‌ವರ್ಥ್ ಎಂಬಾತ ಸ್ಥಾಪಿಸಿದ ಕೆನಾನಿಕಲ್ ಎಂಬ ಕಂಪೆನಿ ಈ ಒಂದು ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶದ ಬೆಂಬಲವಾಗಿ ನಿಂತಿದೆ. ನೀವೂ ಇದನ್ನೊಮ್ಮೆ ಇನ್ಸ್ಟಾಲ್ ಮಾಡಿ ನೋಡುತ್ತೀರೆಂದರೆ https://ubuntu.com ಗೆ ಒಮ್ಮೆ ಭೇಟಿ ಕೊಡಿ. ಅಲ್ಲಿಯೇ ಇರುವ ಡಾಕ್ಯುಮೆಂಟೇಷನ್ ಹಾಗೂ ವೆಬ್ ‌ಪ್ರಿವ್ಯೂ ಉಬುಂಟು ಬಳಸುವುದನ್ನು ಸುಲಭಗೊಳಿಸುತ್ತವೆ.

ಆದರೆ, ವಿಂಡೋಸ್ ಬಳಸಿ ಅಭ್ಯಾಸವಿರುವ ಕೆಲವರಿಗೆ ಇದ್ದಕ್ಕಿದ್ದಂತೆ ಲಿನಕ್ಸ್‌ಗೆ ಬಂದರೆ ಅಲ್ಲಿನ ಕಮ್ಯಾಂಡುಗಳು ಇತ್ಯಾದಿಗಳನ್ನು ಬಾಯಿಪಾಠ ಮಾಡಿಕೊಳ್ಳಬೇಕಾಗುತ್ತದೆ, ಹೊಂದಿಕೊಳ್ಳಲು ಸ್ವಲ್ಪ ದಿನ ಹಿಡಿಯಬಹುದು ಎಂಬ ಇತ್ಯಾದಿ ಪ್ರಶ್ನೆಗಳಿಗೂ ಇಲ್ಲಿದೆ ಒಂದು ಚುಟುಕು ಉತ್ತರ. ಗ್ನು/ಲಿನಕ್ಸ್ ಅಭಿವೃದ್ದಿಯ ಹೊಸ ಹಂತಗಳಲ್ಲಿ ವಿಂಡೋಸ್ ನಂತೆಯೇ ನೀವು ಲಿನಕ್ಸ್‌ನಲ್ಲಿಯೂ ಕೀಬೋರ್ಡ್ ಹಾಗೂ ಮೌಸ್ ಬಳಸಿ ದಿನನಿತ್ಯದ ಕೆಲಸಗಳನ್ನು ಮಾಡಿಕೊಳ್ಳಬಹುದು. ಒಂದೇ ಒಂದು ವ್ಯತ್ಯಾಸವೆಂದರೆ ಲಿನಕ್ಸ್‌ಗೆ ತನ್ನದೇ ಆದ ತಂತ್ರಾಂಶಗಳಿರುತ್ತವೆ. ಅದನ್ನು ಇನ್ಸ್ಟಾಲ್ ಮಾಡುಕೊಳ್ಳುವ ಕ್ರಮದಲ್ಲಿ ಬದಲಾವಣೆ ಇರುತ್ತದೆ ಅಷ್ಟೇ. ಒಮ್ಮೆ ಇನ್ಸ್ಟಾಲ್ ಮಾಡಿಕೊಂಡು ಅದರ ಕಾರ್ಯವೈಖರಿ ಅರಿತರೆ ಸುಲಭವಾಗಿ ಯಾವುದೇ ಕಂಪ್ಯೂಟರ್ ತಂತ್ರಾಂಶದ ಜೊತೆಗೆ ಕೆಲಸ ಮಾಡಬಹುದು.

ಆದರೂ, ವಿಂಡೋಸ್‌ನಲ್ಲಿ ಬಳಸುವ ತಂತ್ರಾಂಶಗಳನ್ನು ಲಿನಕ್ಸ್‌ನಲ್ಲಿಯೂ ಬಳಸಲು ಸಾಧ್ಯವೇ ಎನ್ನುವಿರಾದರೆ, ಅದೂ ಕೂಡ ಸಾಧ್ಯ. WINE ಎಂಬ ವಿಂಡೋಸ್ ಎಮ್ಯುಲೇಟರ್ ನಿಮ್ಮ ಲಿನಕ್ಸ್ ಆಪರೇಟಿಂಗ್ ಸಿಸ್ತಂ‌ನಲ್ಲಿ ಲಭ್ಯವಿದ್ದಲ್ಲಿ, ವಿಂಡೋಸ್ ತಂತ್ರಾಂಶಗಳನ್ನು ಸ್ಥಾಪಿಸಿಕೊಳ್ಳಬಹುದು. ಇದು ಮೊದಮೊದಲು ಕಿರಿಕಿರಿ ಎನಿಸಬಹುದಾದ್ದರಿಂದ ಲಿನಕ್ಸ್ ತಿಳಿದವರ ಸಹಾಯ ಪಡೆದುಕೊಂಡರೆ ಒಳ್ಳೆಯದು.

ಮೊನ್ನೆ ಒಂದು ವಿಶೇಷ ಕಾದಿತ್ತು. ಹೀಗೇ ಇಂಟರ್ನೆಟ್‌ನಲ್ಲಿ ಜಾಲಾಡುತ್ತಿರುವಾಗ Zorin ಎಂಬ ಹೊಸ ಲಿನಕ್ಸ್ ತಂತ್ರಾಂಶವನ್ನು ನೋಡಿದೆ. ವಿಂಡೋಸ್ ಎಕ್ಸ್‌ಪಿ ಅಥವಾ ೭ ಬಳಸುತ್ತಿರುವವರಿಗೆ, ಅದರಂತೆಯೇ ಕಾಣುವ ಹಾಗೂ ಕೆಲಸ ಮಾಡುವ Zorin ಕಂಡು ಸ್ವಲ್ಪ ಖುಷಿ. ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶವಾಗಿದ್ದರೂ ನೋಡಲು ಇದು ಥೇಟ್ ವಿಂಡೋಸ್. ಟಾಕ್ಸ್‌ಬಾರ್, ಫೈಲ್‌ಸಿಸ್ಟಂ, ಸ್ಟಾರ್ಟ್ ಮೆನು, ಡೆಸ್ಕ್‌ಟಾಪ್ ಹೀಗೆ ಎಲ್ಲವೂ ವಿಂಡೋಸ್ ರೀತಿಯದ್ದೇ. ವಿಂಡೋಸ್ ತಂತ್ರಾಂಶಗಳನ್ನೂ ಕೂಡ ಸುಲಭವಾಗಿ ಇನ್ಸ್ಟಾಲ್ ಮಾಡಿಕೊಳ್ಳಬಹುದು.

೧.೧೪ ಜಿಬಿ ಇರುವ ಈ ಆಪರೇಟಿಂಗ್ ಸಿಸ್ಟಂ‌ನ ಪ್ರತಿಯನ್ನು ಮುಕ್ತವಾಗಿ https://zorin-os.com ನಿಂದ ಪಡೆಯಬಹುದು. ವಿಂಡೋಸ್ ಈಗಾಗಲೇ ಇನ್ಸ್ಟಾಲ್ ಆಗಿದ್ದರೂ, ನಿಮ್ಮ ಕಂಪ್ಯೂಟರಿನಲ್ಲಿ ೫ ರಿಂದ ೧೦ ಜಿ.ಬಿ ಸ್ಪೇಸ್ (ಹಾರ್ಡ್‌ಡಿಸ್ಕ್ ಮೆಮೋರಿ) ಇರುವ ಖಾಲಿ ಪಾರ್ಟೀಷನ್ ಒಂದರಲ್ಲಿ ಇದನ್ನು ಇನ್ಸ್ಟಾಲ್ ಮಾಡಿಕೊಳ್ಳಬಹುದು. ಲಿನಕ್ಸ್ ಬಳಸಲು ಸಾಧ್ಯವಾಗದಿದ್ದಲ್ಲಿ, ಸಿಸ್ತಂ ರೀಬೂಟ್ ಮಾಡಿ ಪರದೆಯ ಮೇಲೆ ವಿಂಡೋಸ್ ಆಯ್ಕೆ ಮಾಡಿದರಾಯ್ತು. ಮೊದಲಿನಂತೆಯೇ ವಿಂಡೋಸ್‌ನಲ್ಲಿ ಕೆಲಸ ಮಾಡಲು ಶುರುವಿಟ್ಟುಕೊಳ್ಳಬಹುದು.

ಜೋರಿನ್ ಓ.ಎಸ್ ನಲ್ಲಿ ಹೊಸ ತಂತ್ರಾಂಶಗಳನ್ನು ಇನ್ಸ್ಟಾಲ್ ಮಾಡಿಕೊಳ್ಳಲು ಸಾಫ್ಟ್ವೇರ್ ಸೆಂಟರ್ ಇದೆ. ಇಂಟರ್ನೆಟ್ ಕನೆಕ್ಷನ್ ಇದ್ದರೆ ನಿಮಗೆ ಬೇಕಾದ ಕೆಲಸಕ್ಕೆ ಉತ್ತಮ ಮುಕ್ತ ತಂತ್ರಾಂಶಗಳನ್ನು ಕ್ಷಣಾರ್ಧದಲ್ಲಿ ಪಡೆಯಬಹುದು. Play-On-Linux ಎಂಬ ವಿಂಡೋಸ್ ಆಟಗಳನ್ನು ಲಿನಕ್ಸ್ ನಲ್ಲಿ ಆಡಲು ಸಾಧ್ಯವಾಗಿಸುವ ತಂತ್ರಾಂಶ ಕೂಡ ಇದರೊಂದಿಗೆ ಇದೆ. ವಿಂಡೋಸ್ ಲುಕ್ ಬೇಸರ ತರಿಸಿದರೆ, ಅದನ್ನು ಮ್ಯಾಕ್ ಓಸ್, ವಿಸ್ತಾ ಹೀಗೆ ಬೇರೆ ಥೀಮ್‌ಗಳನ್ನೂ ಬದಲಿಸಬಹುದು. ಉತ್ತಮ ಮಲ್ಟಿಟಾಸ್ಕಿಂಗ್, ಉತ್ತಮ ಸೆಕ್ಯೂರಿಟಿಗೆ, ವೈರಸ್‌ಗಳ ಹಾವಳಿಯಿಂದ ಸ್ವಲ್ಪ ದೂರವಿರಲು ಮತ್ತು ಇನ್ನೂ ಅನೇಕ ಕಾರಣಗಳಿಗೆ ಲಿನಕ್ಸ್ ಬಳಕೆ ಉಪಕಾರಿ. ಒಮ್ಮೆ ಬಳಸಿ ನೋಡಿ.

ಸೂಚನೆ :- ಆಪರೇಟಿಂಗ್ ಸಿಸ್ಟಂಗಳನ್ನು ಇನ್ಸ್ಟಾಲ್ ಮಾಡಿಕೊಳ್ಳುವಾಗ ಡಿಸ್ಕ್ ಪಾರ್ಟೀಶನ್ ಬಗ್ಗೆ ತಿಳಿದಿದ್ದರೆ ಮಾತ್ರ ಮುಂದುವರೆಯಿರಿ. ಇಲ್ಲದಿದ್ದರೆ ಯಾರಾದರೂ ಅನುಭವ ಉಳ್ಳ ವ್ಯಕ್ರಿಗಳ ನೆರವು ಪಡೆಯುವುದು ಒಳಿತು. ಸೂಚನೆ ಓದಿದ ನಂತರವೂ ನೀವೇ ಇದನ್ನು ಪ್ರಯೋಗಿಸಿ ಕಂಪ್ಯೂಟರ್‌ನಲ್ಲಿನ ದತ್ತಾಂಶ/ಡೇಟಾದ ನಷ್ಟಕ್ಕೆ ಕಾರಣರಾದಲ್ಲಿ ನಾವು ಜವಾಬ್ದಾರರಲ್ಲ.

ಕಂಪ್ಯೂಟರಿಗೆ ನೇರವಾಗಿ ಇನ್ಸ್ಟಾಲ್ ಮಾಡದೆ ಲಿನಕ್ಸ್ ಬಳಸಿ ನೋಡುವುದು ಹೇಗೆ ಎಂದು ಮುಂದಿನ ಸಂಚಿಕೆಗಳಲ್ಲಿ ಅರಿಯೋಣ.

ಹೆಚ್ಚಿನ ಮಾಹಿತಿಗೆ ಈ ವಿಡಿಯೋ ನೋಡಿ.


Watch this video on YouTube
Embedded with WP YouTube Lyte.

ವಿಶೇಷ – ಈ ಲೇಖನ ಮಾರ್ಚ್ ೯ ರಂದು ಸಂಯುಕ್ತ ಕರ್ನಾಟಕದ ಟೆಕ್ ಕನ್ನಡ ಅಂಕಣದಲ್ಲಿ ಪ್ರಕಟವಾಗಿದೆ. 

 

ಹಂಚಿಕೆಯ ಬಗ್ಗೆ

ಲಿನಕ್ಸಾಯಣದ ಎಲ್ಲ ಲೇಖನಗಳು ಕ್ರಿಯೇಟಿವ್ ಕಾಮನ್ಸ್ ನ ಪರವಾನಿಗಿಯಿಂದ ಸಂರಕ್ಷಿಸಲ್ಪಟ್ಟಿವೆ. ಈ ಲೇಖನಗಳನ್ನು ಇತರರೊಡನೆ ಹಂಚಿಕೊಳ್ಳುವಾಗ, ಲಿನಕ್ಸಾಯಣದ ಹೆಸರು ಮತ್ತು ವೆಬ್ ಸೈಟ್ ವಿಳಾಸ ಹಂಚಿಕೊಳ್ಳುವುದನ್ನು ಮರೆಯದಿರಿ. ವಾಣಿಜ್ಯ ಉದ್ದೇಶಗಳಿಗೆ ಬಳಸುವ ಮುನ್ನ ನಮ್ಮ ಅನುಮತಿ ಪಡೆಯತಕ್ಕದ್ದು.

ಇತಿಹಾಸದ ಪುಟಗಳಿಂದ

Related Articles

Related

ಸ್ಕೈಪ್(Skype)ಕಾಲ್ ರೆಕಾರ್ಡ್ ಮಾಡಿ

ಸ್ಕೈಪ್ ಅನ್ನು ಒಂದಲ್ಲಾ ಒಂದು ಕಾರಣದಿಂದ ನಮ್ಮಲ್ಲನೇಕರು ಗೆಳೆಯರೊಂದಿಗೆ, ವ್ಯವಹಾರಕ್ಕೆ, ಸಂಪರ್ಕದಲ್ಲಿರಲು,  ಕಚೇರಿಯ ಸಂವಾದ, ಸಂದರ್ಶನ ಇತ್ಯಾದಿಗಳಿಗೆ ಬಳಸುತ್ತಲೇ ಇರುತ್ತೇವೆ. ಕೆಲವೊಮ್ಮೆ ಸ್ಕೈಪ್ ಮೂಲಕ ನೆಡೆಯುವ ಆಡಿಯೋ ಮತ್ತು ವಿಡಿಯೋ ಸಂವಾದಗಳು ಉಳಿಸಿಕೊಳ್ಳಲು ಸಾಧ್ಯವಿದ್ದಿದ್ದರೇ ಎಂದು ಅನಿಸಿರಬೇಕಲ್ಲವೇ? ಇದು...

read more

ದೇವಕಣ – ಹಿಗ್ಸ್ ಬೋಸನ್ ಗೂ ಬೇಕಿತ್ತು ಗ್ನು/ಲಿನಕ್ಸ್

CERN ನ ವಿಜ್ಞಾನಿಗಳು ಜಿನೀವಾದಲ್ಲಿ Higgs boson (ದೇವಕಣ) ಇರುವಿಕೆಯನ್ನು ದೃಡಪಡಿಸಿದ್ದನ್ನೂ, ಅದರ ಬಗ್ಗೆ ಹತ್ತು ಹಲವಾರು ಲೇಖನಗಳ ಮೂಲಕ ಓದಿರುತ್ತೀರಿ. ವಿಶ್ವದ ಸೃಷ್ಟಿಯ ಬಗ್ಗೆ ಬೆಳಕು ಚೆಲ್ಲುವಲ್ಲಿ ಈ ಪ್ರಯೋಗ ಬಹುಮುಖ್ಯದ್ದು ಎನ್ನಬಹುದು. "ಬಿಗ್‌ಬ್ಯಾಂಗ್ ಸ್ಪೋಟದ ನಂತರ ವಿಶ್ವದ ಉಗಮಕ್ಕೆ ಮೂಲ ಕಾರಣವಾದ ಅಣುಗಳಿಗೆ ಒಂದು...

read more