ಕರ್ನೆಲ್ ಅಪ್ಡೇಟ್

ಸುದ್ದಿ | 0 comments

Written By Omshivaprakash H L

May 14, 2011

Tux, Larry Ewing ಚಿತ್ರಿಸಿದಂತೆ, ಚಿತ್ರ: ವಿಕಿಪೀಡಿಯಾ

ಪ್ರತಿಯೊಂದು ಗ್ನು/ಲಿನಕ್ಸ್ ನ ಹೃದಯ ಭಾಗ ಲಿನಕ್ಸ್ ಕೆರ್ನೆಲ್. ಗ್ನು/ಲಿನಕ್ಸ್ ನ ಪ್ರತಿಯೊಂದು ಕಾರ್ಯಭಾಗಗಳನ್ನು ಕಾರ್ಯನಿರತರನ್ನಾಗಿಸಿ, ಕಂಪ್ಯೂಟರಿನ ಹಾರ್ಡ್ವೇರ್ ಗಳು ಕೆಲಸಮಾಡುವಂತಾಗಿಸುವುದು ಕರ್ನೆಲ್.

ಗ್ನು/ಲಿನಕ್ಸ್ ನ ಕೆಲವು ವಿತರಣೆಗಳು ಕರ್ನೆಲ್ ನ ಅಭಿವೃದ್ದಿಯ ಪಥವನ್ನು ಹಿಂಬಾಲಿಸುತ್ತಾ ಸಾಗಿದರೆ, ಮತ್ತೆ ಕೆಲವು “stable long-term release” ಅಥವಾ ಬಹುಕಾಲದವರೆಗೆ ಸುರಕ್ಷತೆಗೆ ಸಂಭಂದಪಟ್ಟ ಅಪ್ಡೇಟ್ ಗಳನ್ನು ಒದಗಿಸುವ ಆವೃತ್ತಿಗಳನ್ನು ನೆಚ್ಚಿಕೊಂಡಿರುತ್ತವೆ. ಹೊಸ ಕರ್ನೆಲ್ ವಿತರಣೆ ಪ್ರತಿ ಮೂರು ತಿಂಗಳಿಗೊಮ್ಮೆ ಆಗುವುದರಿಂದ ಇದನ್ನು ಹಿಂಬಾಲಿಸುವುದು ಅನೇಕ ಉತ್ಪಾದಕರಿಗೆ ಮತ್ತು ವಿತರಣೆಗಳಿಗೆ ಕಷ್ಟಸಾಧ್ಯ.

ಇಂತಹ ಬಳಕೆದಾರರು ಮತ್ತು ಉತ್ಪಾದಕರಿಗೆ ಏಪ್ರಿಲ್ ಕೊನೆಯ ವಾರದಲ್ಲಿ ಆಂಡಿ ಕ್ಲೀನ್ (Andi Kleen) 2.6.35.13 long-term support kernel ಬಿಡುಗಡೆಗೊಳಿಸಿದ. ಈ 2.6.35.13 ಆವೃತ್ತಿ ಯಾವುದೇ ಸೆಕ್ಯೂರಿಟಿ ಅಪ್ದೇಟ್ ಅಥವಾ ಹೊಸ ವೈಶಿಷ್ಟ್ಯಗಳನ್ನೇನೂ ಹೊಂದಿರಲಿಲ್ಲ.

ಇದಕ್ಕೆ ವಿರುದ್ದವಾಗಿ, ಲಿನುಸ್ ಟೋರ್ವಾಲ್ಡ್ಸ್ ಲಿನಕ್ಸ್ ಕರ್ನೆಲ್‌ನ ಇತ್ತೀಚೆಗಷ್ಟೆ ಅಭಿವೃದ್ದಿಪಡಿಸಿದ ಲಿನಕ್ಸ್ ಕರ್ನೆಲ್‌ನ ಆವೃತ್ತಿಗಳನ್ನು ಬಳಕೆದಾರರಿಗೆ ತಲುಪಿಸುವ ಕಾರ್ಯವನ್ನು ಮುಂದುವರೆಸಿದ್ದಾರೆ. ಮೇ ಮೊದಲನೆ ವಾದ 2.6.39 ಕರ್ನೆಲ್ ನ ೫ನೇ ಆವೃತ್ತಿ ಬಿಡುಗಡೆ ಕಂಡಿದೆ.

ಹೊಸ ಡ್ರೈವರ್ ಮತ್ತು ಹಾರ್ಡ್ವೇರ್ ಗಳ ಉಪಲಭ್ದತೆಯೊಂದಿಗೆ, ೨.೬.೩೯ ಕರ್ನೆಲ್ ಹೊಸ ಬ್ಲಾಕ್ ಡಿವೈಸ್ ಪ್ಲಗ್ಗಿಂಗ್ ಮಾಡೆಲ್ ಅನ್ನು ತನ್ನೊಂದಿಗೆ ಸೇರಿಸಿಕೊಂಡಿದ್ದು, ಗ್ನು/ಲಿನಕ್ಸ್ ನ ಕಾರ್ಯಸಾಮರ್ಥ್ಯದ ವೇಗವನ್ನು ಹೆಚ್ಚಿಸಲಿದೆ. ೨.೬.೩೯ ಕೆರ್ನೆಲ್ ನ ಕೊನೆಯ ಬಿಡುಗಡೆ ಈ ತಿಂಗಳಿನ ಕೊನೆಯಲ್ಲಿ ಆಗುವ ನಿರೀಕ್ಷೆಯಿದೆ.

ಲಿನಕ್ಸಾಯಣದ ಎಲ್ಲ ಲೇಖನಗಳು ಕ್ರಿಯೇಟಿವ್ ಕಾಮನ್ಸ್ ನ ಪರವಾನಿಗಿಯಿಂದ ಸಂರಕ್ಷಿಸಲ್ಪಟ್ಟಿವೆ. ಈ ಲೇಖನಗಳನ್ನು ಇತರರೊಡನೆ ಹಂಚಿಕೊಳ್ಳುವಾಗ, ಲಿನಕ್ಸಾಯಣದ ಹೆಸರು ಮತ್ತು ವೆಬ್ ಸೈಟ್ ವಿಳಾಸ ಹಂಚಿಕೊಳ್ಳುವುದನ್ನು ಮರೆಯದಿರಿ. ವಾಣಿಜ್ಯ ಉದ್ದೇಶಗಳಿಗೆ ಬಳಸುವ ಮುನ್ನ ನಮ್ಮ ಅನುಮತಿ ಪಡೆಯತಕ್ಕದ್ದು.

ಹಂಚಿಕೆಯ ಬಗ್ಗೆ

ಲಿನಕ್ಸಾಯಣದ ಎಲ್ಲ ಲೇಖನಗಳು ಕ್ರಿಯೇಟಿವ್ ಕಾಮನ್ಸ್ ನ ಪರವಾನಿಗಿಯಿಂದ ಸಂರಕ್ಷಿಸಲ್ಪಟ್ಟಿವೆ. ಈ ಲೇಖನಗಳನ್ನು ಇತರರೊಡನೆ ಹಂಚಿಕೊಳ್ಳುವಾಗ, ಲಿನಕ್ಸಾಯಣದ ಹೆಸರು ಮತ್ತು ವೆಬ್ ಸೈಟ್ ವಿಳಾಸ ಹಂಚಿಕೊಳ್ಳುವುದನ್ನು ಮರೆಯದಿರಿ. ವಾಣಿಜ್ಯ ಉದ್ದೇಶಗಳಿಗೆ ಬಳಸುವ ಮುನ್ನ ನಮ್ಮ ಅನುಮತಿ ಪಡೆಯತಕ್ಕದ್ದು.

ಇತಿಹಾಸದ ಪುಟಗಳಿಂದ

Related Articles

Related

ಕನ್ನಡ ವಿಕಿಪೀಡಿಯದಲ್ಲೀಗ ವಿಷಯ ಅನುವಾದಕ (ContentTranslator) ಲಭ್ಯ

ಕನ್ನಡ ವಿಕಿಪೀಡಿಯಕ್ಕೆ (https://kn.wikipedia.org) ಲೇಖನಗಳನ್ನು ಸೇರಿಸಿ ಎಂದಾಗ ತಕ್ಷಣ ಯಾವ ವಿಷಯ ಸೇರಿಸಬಹುದು ಜೊತೆಗೆ ಹೇಗೆ ಸಾಧ್ಯ ಎನ್ನುವ ಪ್ರಶ್ನೆ ಸಾಮಾನ್ಯ. ಈಗಾಗಲೇ ಕನ್ನಡಲ್ಲೇ ಲಭ್ಯವಾಗಿಸಿರುವ ವಿಕಿ ಸಂಪಾದನೆಯ ಮಾಹಿತಿ, ವಿಡಿಯೋ ಇತ್ಯಾದಿಗಳನ್ನು ತೋರಿಸಿದಾಗ ಕೂಡ ನಮ್ಮಿಂದ ಇದು ಸಾಧವೇ ಎನ್ನುವ ಪ್ರಶ್ನೆಯೊಂದಿಗೆ...

read more

ಕನ್ನಡ ಪುಸ್ತಕಗಳ ಹುಡುಕಿ ಬನ್ನಿ – ಸಮೂಹ ಸಂಚಯ

ಕನ್ನಡ ಪುಸ್ತಕಗಳನ್ನು ಸುಲಭವಾಗಿ ಇಂಟರ್ನೆಟ್‌ನಲ್ಲಿ ಮತ್ತು ವಿಕಿಪೀಡಿಯದಲ್ಲಿ ಹುಡುಕುವಂತೆ ಮಾಡಲು ಹೊರಟಿರುವ ಸಮೂಹ ಸಂಚಯ - ಓಸ್ಮಾನಿಯ ಯುನಿವರ್ಸಿಟಿಯ ಡಿಜಿಟಲ್ ಲೈಬ್ರರಿಯಲ್ಲಿರುವ ಕನ್ನಡ ಪುಸ್ತಕಗಳ ಹೆಸರು, ಲೇಖಕರು ಹಾಗೂ ಪ್ರಕಾಶಕರ ಹೆಸರನ್ನು ಕಂಗ್ಲೀಷ್‌ನಿಂದ ಕನ್ನಡೀಕರಿಸುತ್ತಿದೆ. ೫೦೦೦ದಷ್ಟು ಪುಟಗಳನ್ನು...

read more

ನಿರಂಜನರ ಕೃತಿಗಳು CC-BY-SA 4.0 ಪರವಾನಗಿಯೊಂದಿಗೆ ಮರುಪ್ರಕಟಗೊಳ್ಳಲಿವೆ

ಕನ್ನಡ ರಾಜ್ಯೋತ್ಸವದ ಸಂದರ್ಭದಲ್ಲಿ ನಿರಂಜನರ ಬಹುಪಾಲು ಕೃತಿಗಳು CC-BY-SA 4.0 ಪರವಾನಗಿಯೊಂದಿಗೆ ಮರುಪ್ರಕಟಗೊಳ್ಳಲಿವೆಯೆಂದು ಸಿಐಎಸ್-ಎ೨ಕೆಯ ಸಹಯೋಗದೊಂದಿಗೆ ಕನ್ನಡ ವಿಕಿಪೀಡಿಯ ಬಳಗವು ಹಂಚಿಕೊಳ್ಳಲು ಹರ್ಷಿಸುತ್ತದೆ. ನಿರಂಜನ (೧೯೨೪-೧೯೯೨) ,  ಇದು ಕುಳಕುಂದ ಶಿವರಾವ್ ಅವರ ಲೇಖನಾಮ. ಇವರು ೨೦ನೇ ಶತಮಾನದ ಪ್ರಮುಖ ಲೇಖಕ ಮತ್ತು...

read more